Bigg Boss 5 : బిగ్ బాస్ సీజస్ 5 కార్యక్రమంలో ‘నిప్పులే శ్వాసగా గుండెలో ఆశగా’ టాస్క్ జరుగుతున్న విషయం తెలిసిందే. ఈ టాస్క్లో సన్నీని గెలిపించేందుకు చాలా కృషి చేసింది కాజల్. అందరితో గొడవలకు కూడా దిగింది. ఎన్ని రౌండ్లయినా ఒక్కసారైనా ఫొటో కాలని సన్నీకి ఎవిక్షన్ ఫ్రీ పాస్ దక్కడంతో అతడు సంతోషంతో స్టెప్పులేశాడు. అయితే సిరి, యానీ మాత్రం.. డ్రామాలాడుతున్నారంటూ కాజల్ను ఏకిపారేశారు. యానీ అయితే వెక్కెక్కి ఏడుస్తూ వాళ్లతో మాట్లాడేది లేదని శపథం చేసింది.
తర్వాత నాగార్జున.. ఈ వారం బెస్ట్ పెర్ఫామర్కు బంగారం, వరస్ట్ పెర్ఫామర్కు బొగ్గు ఇవ్వాలని ఓ టాస్క్ ఇచ్చాడు. అందులో భాగంగా మాజీ కెప్టెన్ రవి.. ప్రియాంక సింగ్, మానస్, యానీ, శ్రీరామ్లకు బంగారం ఇచ్చాడు. సన్నీ, కాజల్, సిరి, షణ్నుతోపాటు తనకు తాను బొగ్గిచ్చుకున్నాడు. ఈ సందర్భంగా నాగ్.. స్విమ్మింగ్ టాస్క్లో సన్నీ మీద పగ తీర్చుకున్నావ్ కదూ ! అని రవి మీద అనుమానం వ్యక్తం చేయగా అతడు అలాంటిదేం లేదని బుకాయించాడు.
బాత్రూం లోపల, బయట తల కొట్టుకుంటూ నిన్ను నువ్వు ఎందుకు గాయపర్చుకున్నావని నాగ్ సిరిని ప్రశ్నించాడు. కోట్లమంది నిన్ను చూసి ఈ అమ్మాయిలా ఉండాలనుకోవాలి కానీ ఈవిడలా మాత్రం ఉండకూడదు అని భావిస్తారని సుద్దులు చెప్పాడు. తన సమస్యేంటో చెప్పమన్నాడు. దీంతో ఓపెన్ అయిన సిరి.. ‘నేను ఎమోషనల్ పర్సన్. నేను ఎదుటివాళ్లను హర్ట్ చేసే వ్యక్తిని కాను.
ఎవరేం అన్నా నన్ను నేనే బాధపెట్టుకుంటాను. రోజులు గడిచేకొద్దీ షణ్నుతో నా కనెక్షన్ ఇంకా ఎమోషనల్ అయిపోతోంది. ఇది తప్పా ? రైటా ? తెలియట్లేదు. లైఫ్లో ఎప్పుడూ ఇలా అవలేదు. కానీ నేను నటించడం లేదు. నాకు ఈ ఫీలింగ్ తప్పని తెలిసినా సరే చేయాలనిపిస్తే చేసేస్తున్నా’ అని చెప్తూ బాధపడింది సిరి. ఇంకోసారి ఇలా గాయపర్చుకుంటే బిగ్బాస్ హౌస్ నుంచి పంపించేస్తానని నాగ్ వార్నింగ్ ఇవ్వగా మరోసారి రిపీట్ చేయనని మాటిచ్చింది సిరి.
ఇక షణ్ను.. మెంటల్లీ వీక్ అయిపోయాను. సిరి అలా తనను తాను గాయపర్చుకోవడానికి కారణం నేనే, అంటే తప్పు నాదే అని అంగీకరించాడు. దీప్తిని మిస్ అవుతుంటే, ఇక్కడ ఉండలేకపోతే ఈ క్షణమే వెళ్లిపోమని గేట్లు తెరిచాడు నాగ్. పదేపదే ఇలా ట్రిప్ అవ్వకూడదని సూచించాడు. తర్వాత మానస్ కన్ఫెషన్ రూమ్లోకి వచ్చాడు. ప్రియాంక నన్ను మాత్రమే ఎక్కువగా నమ్ముతూ కొన్నిసార్లు గేమ్ కన్నా నామీదే ఎక్కువ ఆసక్తి చూపిస్తుందని, అది తనకు ఇబ్బందిగా మారిందన్నాడు.
మానస్ మాటలు విన్నాక నాగ్.. ప్రియాంక అతడి కోసం ఏడ్చేసిన వీడియో చూపించాడు. ఆమె ఫీలింగ్స్ ఎక్కడివరకు వెళ్తున్నాయో చూసుకోమన్నాడు. తను నొచ్చుకుంటుందని ఏమీ చెప్పకపోతే పరిస్థితులు చేయి దాటిపోతాయని హెచ్చరించాడు. కాజల్తో ప్రవర్తించిన తీరు బాగోలేదని యానీకి చురకలు అంటించాడు నాగ్. వెక్కిరించడం కొంతవరకే బాగుంటుందని, కానీ అది హద్దులు మీరుతోందని హెచ్చరించాడు. అనంతరం శ్రీరామచంద్ర, సన్నీ సేఫ్ అయినట్లు ప్రకటించాడు నాగ్.
Xiaomi ఎట్టకేలకు భారత మార్కెట్లో తన కొత్త REDMI Note 15 Pro Seriesను అధికారికంగా విడుదల చేసింది. ఈ…
హై బ్లడ్ ప్రెజర్ (Hypertension) సమస్యను నియంత్రించడంలో ఉప్పు వినియోగం కీలక పాత్ర పోషిస్తుంది. ప్రపంచవ్యాప్తంగా ఆరోగ్య సంస్థలు, శాస్త్రీయ…
దేశీయ ప్రభుత్వ రంగ బ్యాంక్ అయిన బ్యాంక్ ఆఫ్ బరోడా తన ఇన్ఫర్మేషన్ టెక్నాలజీ (IT) విభాగంలో ఉద్యోగాల భర్తీకి…
యంగ్ రెబల్ స్టార్ ప్రభాస్ నటించిన తాజా చిత్రం ది రాజా సాబ్ ఓటీటీ విడుదలకు సిద్ధమవుతోంది. జనవరి 9,…
బాలీవుడ్లో పెద్దగా హైప్ లేకుండా విడుదలై, విడుదల అనంతరం మాటామాటా ప్రచారంతో సంచలన విజయాన్ని నమోదు చేసిన చిత్రం ధురంధర్.…
గత ఏడాదికి పైగా ఆంధ్రప్రదేశ్ రాజకీయాల్లో తిరుమల లడ్డూ వివాదం ప్రధాన చర్చాంశంగా మారిన సంగతి తెలిసిందే. ఈ వ్యవహారంపై…
సోషల్ మీడియా, ఆర్టిఫిషియల్ ఇంటెలిజెన్స్ ప్రభావం పెరిగిన ఈ కాలంలో సెలబ్రిటీల గుర్తింపు, పేరు, ఫోటోలు, వీడియోలు దుర్వినియోగానికి గురవడం…
రైలు పట్టుకోవాలనే తొందరలో, ఆన్లైన్ బుకింగ్లో పొరపాటు వల్ల, లేదా చివరి నిమిషంలో ఏర్పడిన గందరగోళంతో.. కొన్నిసార్లు ప్రయాణికులు టికెట్…