Bhumika : టాలీవుడ్ స్టార్ నటి భూమిక చావ్లా గురించి అందరికీ పరిచయమే. తన నటనతో మంచి గుర్తింపు తెచ్చుకొని ఎంతోమంది అభిమానులను సంపాదించుకుంది. తెలుగులోనే కాకుండా తమిళం, హిందీ సినిమాలలో కూడా నటించింది. ఇప్పటికీ ఇండస్ట్రీలో కొనసాగుతూ సహాయ పాత్రలలో నటిస్తోంది. ఇదిలా ఉండగా తాజాగా ఓ విషయంపై ఆమె స్పందించింది.
తొలిసారిగా యువకుడు సినిమాతో తెలుగు సినీ ఇండస్ట్రీకి పరిచయమైంది. తొలిసారి నటనతోనే మంచి గుర్తింపు అందుకొని ఆ తర్వాత ఎన్నో సినిమాలలో అవకాశాలు అందుకుంది. స్టార్ హీరోలతో నటించి స్టార్ హీరోయిన్ గా నిలిచింది.
భూమిక తన పెళ్లి తర్వాత రీఎంట్రీ ఇచ్చినా.. హీరోయిన్ క్యారెక్టర్కు గుడ్బై చెప్పి సహాయ పాత్రలలో నటిస్తోంది. కానీ సరైన పాత్ర ఆమెకు దొరకడం లేదని.. దీనికి కారణం ఆమె సెలెబ్రెటీలతో ఎక్కువగా పార్టీలకు వెళ్లదని.. వార్తలు వచ్చాయి.
ఈ క్రమంలోనే ఈ విషయంపై ఆమె స్పందిస్తూ.. పార్టీలకు వెళితే తప్ప మంచి పాత్ర రాదా.. అంటూ.. అలాంటి మాటలను ఎంకరేజ్ చేయనని తెలిపింది. ఫిల్మ్ మేకర్స్ తో రోజూ టచ్ లో ఉంటే అవకాశాలు వస్తాయనేది.. కేవలం భ్రమ మాత్రమే అంటూ.. తనకోసమే పాత్రలు రాసి.. తన కోసం ముంబై వచ్చిన మేకర్స్ చాలా మంది ఉన్నారని.. తెలిపింది.
స్పందించండి