Balakrishna : నందమూరి బాలకృష్ణ ఒకవైపు సినిమాలు చేస్తూనే మరోవైపు అన్స్టాపబుల్ అనే టాక్ షోలో అదరగొడతున్నారు. ఈ కార్యక్రమానికి పలువురు సెలబ్స్ హాజరు కాగా, వారితో బాలయ్య చేసే ఫన్ ఓ రేంజ్లో ఉంది. ఇప్పుడు అల్లు అర్జున్ టైం వచ్చింది. బాలయ్యతో బన్నీ చేసే సందడి పీక్స్లో ఉంటుందని అంటున్నారు. ‘ఆహా’ ఓటీటీలో బాలయ్య హోస్ట్ చేస్తున్న ‘అన్స్టాపబుల్ విత్ ఎన్బీకే’ షోకు అల్లు అర్జున్ ప్రత్యేక అతిథిగా హాజరయ్యారు.
‘పుష్ప’ సినిమా ప్రమోషన్స్ లో భాగంగా అల్లు అర్జున్, హీరోయిన్ రష్మిక, డైరెక్టర్ సుకుమార్ కలిసి ఈ షో లో సందడి చేశారు. ఈ సినిమాకు సంబంధించిన కొన్ని విశేషాలతోపాటు అతిథులుగా విచ్చేసిన వారిపై ఉన్న రూమర్ల గురించి స్పష్టత ఇచ్చారు. ‘పుష్ప’ సినిమా దర్శకుడు సుకుమార్, హీరోయిన్ రష్మిక కూడా ఈ కార్యక్రమంలో పాల్గొన్నారు. ప్రోమో చివర్లో అల్లు అర్జున్ స్టైల్ లో బాలయ్య నడుస్తూ వచ్చి.. “పుష్ప అంటే ఫ్లవర్ అనుకుంటివా… ఫైర్.. తగ్గేదేలే” అనే డైలాగ్ ను చెప్పడంతో అందరూ ఫుల్గా ఎంజాయ్ చేశారు.
Team #PushpaTheRise joins #NandamuriBalakrishna on #UnstoppableWithNBK
MASSive Episode Premieres soon on @ahavideoIN.
@alluarjun @aryasukku @iamRashmika pic.twitter.com/tA4m1hWbsp— BA Raju's Team (@baraju_SuperHit) December 24, 2021
క్రిస్మస్ కానుకగా నేడు ఈ షో ప్రీమియర్ కానున్నట్టు తెలుస్తోంది. ఇదిలా ఉండగా బోయపాటి శ్రీను దర్శకత్వంలో తెరకెక్కిన ‘అఖండ’ ప్రీ రిలీజ్ ఈవెంట్కు ఐకాన్ స్టార్ అల్లు అర్జున్ ముఖ్య అతిథిగా హాజరైన సంగతి తెలిసిందే కదా. ఈ ఈవెంట్లో అల్లు అర్జున్ మాట్లాడుతూ.. మూడు పేజీల డైలాగులైనా బాలయ్యలా చెప్పడం అందరికీ సాధ్యం కాదని చెప్పి బాలయ్య అభిమానుల మెప్పు పొందారు బన్నీ.
