Allu Arjun : టాలీవుడ్ స్టైలిష్ స్టార్ అల్లు అర్జున్ పుష్పతో ఐకాన్ స్టార్గా మారాడు. పుష్ప సినిమా విడుదల తర్వాత పాన్ ఇండియా స్టార్గా ఎదిగిపోయాడు బన్నీ. తన నటనతో దేశవ్యాప్తంగా గుర్తింపు తెచ్చుకున్న ఈ స్టైలిష్ స్టార్ మరోవైపు వాణిజ్య ప్రకటనలతోనూ కోట్లు గడిస్తున్నాడు. ఇప్పటికే పలు కంపెనీల ఉత్పత్తులకు బ్రాండ్ అంబాసిడర్గా వ్యవహరిస్తున్నాడు. ఈ క్రమంలో ఒక్కో యాడ్కు రూ.7.50 కోట్ల రెమ్యునేషన్ తీసుకుంటున్నాడని తెలుస్తోంది.
అల్లు అర్జున్ కు ఉన్న క్రేజ్ను ఓ గుట్కా అండ్ లిక్కర్ కంపెనీ కూడా వినియోగించుకోవాలనుకుందట. తమ సంస్థ బ్రాండ్ ఉత్పత్తులను ప్రమోట్ చేస్తే ఏకంగా రూ.10 కోట్ల పారితోషకం ఇస్తామని ఆఫర్ చేశారట. అయితే ఐకాన్ స్టార్ మాత్రం ఆ యాడ్ చేసే ప్రసక్తే లేదని తేల్చి చెప్పాడట. జనాల ఆరోగ్యానికి హానికరం కలిగించే అలవాట్లను ప్రోత్సహించే ఉద్దేశం లేని బన్నీ ఆ భారీ ఆఫర్ను ఏ మాత్రం ఆలోచించకుండా తిరస్కరించినట్లు తెలుస్తోంది.
ఇలాంటి యాడ్స్లో నటిస్తే అభిమానులతోపాటు ఆడియన్స్లో కూడా నెగిటివిటీ స్ప్రెడ్ అవుతుందని బన్నీ ముందు జాగ్రత్తగా ఆ సంస్థలకు నో చెప్పినట్లు తెలుస్తోంది. ఐకాన్ స్టార్ నిర్ణయంతో ఫ్యాన్స్ హర్షం వ్యక్తం చేస్తున్నారు. ఈ విషయం తెలియడంతో తమ హీరోది మంచి మనసంటూ సోషల్ మీడియాలో పోస్టులు షేర్ చేస్తున్నారు.
ఇక సినిమాల విషయానికొస్తే.. అల్లు అర్జున్ ప్రస్తుతం పుష్ప 2 సినిమాలో నటిస్తున్నాడు. ఇటీవలే దేవిశ్రీప్రసాద్ సారథ్యంలో మ్యూజిక్ సిట్టింగ్స్ కూడా జరిగాయి. పుష్ప ది రూల్ పేరుతో మొదటి భాగం కంటే మరింత గ్రాండ్ గా సుకుమార్ ఈ సీక్వెల్ను తెరకెక్కిస్తున్నట్లు తెలుస్తోంది. షూటింగ్ కాస్త ఆలస్యమైనా సరే పక్కాగా వెళ్లాలని సుకుమార్ భావిస్తున్నాడట. మొదటి భాగంలో నటించిన వారితోపాటు విజయ్ సేతుపతి కూడా జత కావడంతో.. ఆయన క్యారెక్టరైజేషన్ ఎలా ఉంటుందో అని అభిమానుల్లో ఆసక్తి నెలకొంది.
స్పందించండి