Allu Arjun : ఐకాన్ స్టార్ అల్లు అర్జున్ ప్రస్తుతం పుష్ప అనే పాన్ ఇండియా చిత్రంతో ఎంతో బిజీగా ఉన్నారు. ప్రస్తుతం శరవేగంగా షూటింగ్ జరుపుకుంటున్న ఈ సినిమా త్వరలోనే ప్రేక్షకుల ముందుకు రానుంది. ఇదిలా ఉండగా అల్లు అర్జున్ కి రెండు తెలుగు రాష్ట్రాలలోనూ ఎంతో మంచి ఫ్యాన్ ఫాలోయింగ్ ఉందని చెప్పవచ్చు.ఈ క్రమంలోనే అల్లు అర్జున్ కేవలం సినిమాల ద్వారా మాత్రమే కాకుండా పలు బ్రాండ్లకు అంబాసిడర్ గా వ్యవహరిస్తూ ప్రేక్షకులను సందడి చేస్తుంటారు.
ఇక ఇప్పటికే ఎన్నో రకాల బ్రాండ్ ఎండార్స్మెంట్ లతో సైతం బిజీగా ఉన్న అల్లు అర్జున్ తాజాగా ఒక విద్యా సంస్థను ప్రమోట్ చేయడానికి సిద్ధమయ్యారు. 1986 విజయవాడలో బాలికల జూనియర్ కళాశాల ప్రారంభంతో ఎంతో గొప్ప ప్రయాణాన్ని ఆరంభించిన శ్రీ చైతన్య విద్యా సంస్థలకు ఐకాన్ స్టార్ బ్రాండ్ అంబాసిడర్ గా మారారు. ఈ క్రమంలోనే దీనికి సంబంధించిన ప్రమోషన్ వీడియోను దసరా కానుకగా చైతన్య విద్యా సంస్థల యాజమాన్యం విడుదల చేసింది.
ఇందులో భాగంగా అల్లు అర్జున్ మాట్లాడుతూ.. “ఐఐటీ సక్సెస్ కోసం శ్రీ చైతన్య” అని చెప్పడంతో పాటు “మీ సక్సెస్ కోసం శ్రీ చైతన్యని ఎంపిక చేసుకోవడంలో ఏ మాత్రమ్ తగ్గేదేలే”అంటూ తనదైన శైలిలో డైలాగులు చెప్పడం అందరినీ ఆకట్టుకుంటోంది. ఇక అల్లు అర్జున్ పుష్ప సినిమా డిసెంబర్ 17న ప్రపంచ వ్యాప్తంగా విడుదల కానుంది.
స్పందించండి