ఇంధన రంగంలో స్థిరమైన, ప్రతిష్ఠాత్మకమైన ఉద్యోగాన్ని ఆశించే వారికి శుభవార్త. ప్రభుత్వ రంగ దిగ్గజ సంస్థ హిందుస్థాన్ పెట్రోలియం కార్పొరేషన్ లిమిటెడ్ (HPCL) 2026 సంవత్సరానికి గాను భారీ నియామక ప్రక్రియను ప్రకటించింది. ఫ్రెషర్లు, అనుభవజ్ఞులైన నిపుణుల కోసం ఈ రిక్రూట్మెంట్ డ్రైవ్ నిర్వహించనుంది. ఆన్లైన్ దరఖాస్తుల ప్రక్రియ ఫిబ్రవరి 25, 2026 నుంచి ప్రారంభమై మార్చి 25, 2026 వరకు కొనసాగుతుంది. అభ్యర్థులు పూర్తి నోటిఫికేషన్ వివరాల కోసం హెచ్పీసీఎల్ అధికారిక కెరీర్ వెబ్సైట్ (https://www.hindustanpetroleum.com/careers) ను సందర్శించాలని సంస్థ సూచించింది.
నియామక షెడ్యూల్
- సూచనాత్మక నోటిఫికేషన్ విడుదల: ఫిబ్రవరి 18, 2026
- ఆన్లైన్ దరఖాస్తుల ప్రారంభం: ఫిబ్రవరి 25, 2026
- దరఖాస్తుల చివరి తేదీ: మార్చి 25, 2026
అర్హతలు, వయోపరిమితి, ఖాళీల సంఖ్య, ఫీజులు, ఎంపిక విధానం వంటి పూర్తి వివరాలు డీటైల్డ్ ప్రకటనలో వెల్లడించనున్నారు.
ఫ్రెషర్లకు సువర్ణావకాశం
తాజాగా గ్రాడ్యుయేషన్ లేదా డిప్లొమా పూర్తి చేసిన వారికి హెచ్పీసీఎల్ మంచి కెరీర్ వేదికను అందిస్తోంది. కింది పోస్టులకు నియామకాలు జరగనున్నాయి:
- గ్రాడ్యుయేట్ ఇంజినీర్లు
- డిప్లొమా ఇంజినీర్లు
- క్వాలిటీ కంట్రోల్
- ఫైర్ అండ్ సేఫ్టీ
- ఫైనాన్స్
- హ్యూమన్ రిసోర్సెస్
- ఇన్ఫర్మేషన్ సిస్టమ్స్
- హిందీ ఆఫీసర్
- జూనియర్ ఎగ్జిక్యూటివ్ అసిస్టెంట్
సంబంధిత విద్యార్హతలు ఉన్న అభ్యర్థులు దరఖాస్తు చేసుకోవచ్చు. ఇది యువతకు కెరీర్ ప్రారంభానికి గొప్ప అవకాశంగా చెప్పవచ్చు.
అనుభవజ్ఞులకు కీలక బాధ్యతలతో పోస్టులు ఇస్తారు. అనుభవం ఉన్న నిపుణుల కోసం కూడా హెచ్పీసీఎల్ పలు కీలక విభాగాల్లో నియామకాలు చేపడుతోంది:
- సేఫ్టీ ఆఫీసర్
- సేల్స్
- హెచ్ఆర్ లీగల్
- బయోఫ్యూయల్
- సైబర్ సెక్యూరిటీ
- కంపెనీ సెక్రటరీ
- ప్రాజెక్ట్స్
- పెట్రోకెమికల్స్
- హెచ్ఎస్ఎస్ఈ
- సిటీ గ్యాస్ డిస్ట్రిబ్యూషన్
- లూబ్ ఆపరేషన్స్
ఈ పోస్టులు తమ అనుభవాన్ని మరింత ఉన్నతస్థాయికి తీసుకెళ్లాలనుకునే వారికి అనువైనవిగా సంస్థ పేర్కొంది.
ఎంపిక విధానం, జీతభత్యాలు
ఎంపిక విధానంపై పూర్తి వివరాలను నోటిఫికేషన్లో వెల్లడిస్తారు. సాధారణంగా రాత పరీక్ష లేదా కంప్యూటర్ బేస్డ్ టెస్ట్, గ్రూప్ టాస్క్, ఇంటర్వ్యూ వంటి దశలు ఉండే అవకాశం ఉంది. జీతభత్యాలు హెచ్పీసీఎల్ పే స్కేల్ ప్రకారం ఆకర్షణీయంగా, కెరీర్ వృద్ధికి అనుకూలంగా ఉంటాయని సమాచారం.
ఎలా దరఖాస్తు చేసుకోవాలి?
అభ్యర్థులు ఫిబ్రవరి 25, 2026 నుంచి హెచ్పీసీఎల్ అధికారిక వెబ్సైట్లోని Careers పేజీ ద్వారా ఆన్లైన్లో దరఖాస్తు చేసుకోవచ్చు. ఈ నియామకానికి సంబంధించిన అదనపు సమాచారం లేదా మార్పులు సంస్థ వెబ్సైట్లోనే ప్రకటిస్తామని హెచ్పీసీఎల్ స్పష్టం చేసింది. ఇంధన రంగంలో ప్రభుత్వ రంగ ఉద్యోగం లక్ష్యంగా పెట్టుకున్న వారికి ఇది మిస్ చేయరాని అవకాశంగా భావిస్తున్నారు.
గమనిక: అభ్యర్థులు అధికారిక నోటిఫికేషన్ లేదా వెబ్సైట్ను సందర్శించి సమాచారాన్ని ధ్రువీకరించుకోవాల్సి ఉంటుంది. అధికారిక వెబ్ సైట్లో ఎప్పటికప్పుడు వచ్చే అప్ డేట్స్ను పరిశీలించాల్సి ఉంటుంది.
