Guppedantha Manasu October 24th Episode : అనుప‌మ ఎంట్రీ.. మ‌హేంద్ర ట్ర‌యాంగిల్ ప్రేమ కథ..? వసుధారకు వచ్చిన డౌట్.. అనుపమ సమాధానం ఏమిటి..?

Guppedantha Manasu October 24th Episode : రిషి, వసుధారా నిద్రలో ఉండగా, ఉదయమే హోటల్ రూమ్ నుండి బయటకు వెళ్లిపోతాడు మహేంద్ర. రూమ్ లో కనపడకపోవడంతో, కంగారు పడతారు. మహేంద్ర కోసం అరకు మొత్తం వెతుకుతూ ఉంటారు. తాగిన మత్తులో ఒక పార్క్ దగ్గర, మహేంద్ర కి జగతి పిలిచినట్లుగా అనిపిస్తుంది. ఆ ప్లేస్ గురించి, అతనికి బాగా తెలిసినట్లు పార్క్ లోపలికి నడుచుకుంటూ వెళ్తాడు మహేంద్ర. తన పర్సు కింద పడిపోయిన విషయం కూడా గమనించలేక పోతాడు. మత్తులో తూలుతూ, ఒక దగ్గర కూర్చుంటాడు.

అక్కడ చెట్టు కింద ఉన్న బండరాయిపై, జగతి మహేందర్ ల పేరు ఉంటుంది. అక్కడ కూర్చుని. జగతి జ్ఞాపకాలని గుర్తు చేసుకుంటూ ఉంటాడు. జగతి, మహేంద్రాల పేరుతో పాటుగా, ఆ రాయి మీద అనుపమ అనే పేరు కూడా ఉంటుంది. అనుపమ పేరుని మహేంద్ర చదువుతుండగానే అక్కడికి అనుపమ వస్తుంది. కింద పడిపోయిన, మహేంద్ర పర్స్ ని అతనికి ఇస్తుంది. అనుపమను చూడగానే, మహేంద్ర షాక్ అవుతాడు. ఇంత కాలమైనా. నాపై ఉన్న కోపం తగ్గలేదా అని మనసులో అనుకుంటాడు మహేంద్ర.

నీ విషయంలో మామూలుగా ఉండలేకపోతున్నానని, అనుపమ కూడా మనసులోనే ఆ ప్రశ్నకి సమాధానం ఇస్తుంది. అనుపమని చూడగానే, మందు బాటిల్ ని దాచేస్తాడు మహేంద్ర. పడేసుకునే అలవాటు ఇంకా పోలేదా అని అడుగుతుంది. నా తలరాత అని సమాధానం చెప్తాడు మహేంద్ర. ఏమైంది ఎందుకు అలా మాట్లాడుతున్నావు అని అడుగుతుంది. ఇంతకాలమైనా నీకు ఈ ప్లేస్ గుర్తుందా అని, అందుకే ఇక్కడికి వచ్చావా అని మహేంద్రతో అంటుంది. నేను రాలేదు నా జ్ఞాపకాలు నన్ను ఇక్కడికి తీసుకు వచ్చాయి. మర్చిపోయే జ్ఞాపకాలా అవి, ప్రత్యేకించి గుర్తుపెట్టుకోవడానికి అని మహేంద్ర చెప్తాడు.

జగతిని ఎందుకు తీసుకు రాలేదని, మహేంద్రని అడుగుతుంది. జగతి చనిపోయిన విషయం తెలిస్తే, ఆమె ఎలా రియాక్ట్ అవుతుందో అని భయపడిపోతాడు. సమాధానం చెప్పకుండా మౌనంగా ఉంటాడు. సమాధానం చెప్పకపోవడంతో, అనుపమ సీరియస్ అవుతుంది. జగతి ఎందుకు రాలేదని అంటుంది. నీ భార్య కంటే ముందు, జగతి నాకు ప్రాణ స్నేహితురాలు అని కోపంగా అంటుంది. జగతి లేకుండా ఒక్క క్షణం కూడా ఉండలేనిది, ఆమెకి ఎందుకు దూరంగా ఉంటున్నావు అని అంటుంది. మీ ఇద్దరి మధ్య ఏ సమస్య వచ్చినా, నేను పరిష్కరిస్తానని, ఆమె ఎక్కడ ఉందో చెప్పమని కోపగించుకుంటుంది.

ప్రాణంగా ప్రేమించి, ఇప్పుడు ఎందుకు దూరంగా పెడుతున్నావు అని నిలదీస్తుంది. మహేంద్ర మాత్రం సమాధానం చెప్పకుండా, మౌనంగా ఉండిపోతాడు. నా మనసు బాలేదు తర్వాత అన్ని ప్రశ్నలకు సమాధానం చెప్తానని అంటాడు. నేను నిన్ను మళ్ళీ కలుస్తాను. అప్పుడు జగతి గురించి తప్పకుండా చెప్పాలి అని మహేంద్రతో చెప్పి, అక్కడి నుండి అనుపమ వెళ్ళిపోతుంది. అక్కడికి వసుధార రిషి వస్తారు. మహేంద్ర ని చూసి కంగారు పడతారు. బండరాయి మీద పేరు చూసి, వసుధార అనుపమ ఎవరో తెలుసుకోవాలని అనుకుంటుంది.

మహేంద్ర తో మాట్లాడిన విషయాలను, అనుపమ గుర్తు చేసుకుంటుంది. పెద్దమ్మ ఆమెకి అప్పుడే కాల్ చేస్తుంది. అనుపమ డల్ గా ఉండడంతో ఏమైందని అడుగుతుంది. మహేంద్ర కనిపించిన విషయం పెద్దమ్మకి చెప్తుంది. పెద్దమ్మ మహేంద్ర పేరు వినగానే షాక్ అవుతుంది, ఇన్ని సంవత్సరాల తర్వాత మహేంద్ర నిన్ను కలిశాడంటే, నాకు ఆశ్చర్యంగా ఉందని అంటుంది. అతని పక్కన జగతి లేదా అని అడిగితే లేదని అనుపమ అంటుంది. నువ్వు మహేంద్ర తో సరిగ్గా మాట్లాడకపోవడం వల్లనే, ఇలా ఒంటరిగా మిగిలిపోయావని అనుపమతో పెద్దమ్మ అంటుంది. నాకు జగతి అంటే ప్రాణం అని, ఏం జరిగినా తట్టుకోలేనని అనుపమ అంటుంది. మహేంద్ర అంటే అని పెద్దమ్మ అనుపమని అడుగుతుంది. అనుపమ సమాధానం ఏంటనేది, రేపటి ఎపిసోడ్ లో చూడాలి ఈరోజు ఎపిసోడ్ పూర్తయిపోయింది.