Bollywood Celebrities : ఈ బాలీవుడ్ సెల‌బ్రిటీలు సాధించిన గిన్నిస్ రికార్డ్స్ ఏమిటో మీకు తెలుసా..?

Bollywood Celebrities : గిన్నిస్ బుక్ ఆఫ్ వ‌ర‌ల్డ్ రికార్డ్స్‌.. ఈ పేరు గురించి అంద‌రికీ తెలిసిందే. ప్రపంచంలో ఎవ‌రూ చేయ‌లేని ఫీట్‌ను ఎవ‌రైనా ఒక వ్య‌క్తి చేస్తే దాన్ని రికార్డుగా చెబుతూ గిన్నిస్ బుక్ వారు రికార్డును ఆ వ్య‌క్తికి అంద‌జేస్తారు. ఇప్ప‌టి వ‌ర‌కు ఎంతో మంది ఎన్నో రంగాల్లో గిన్నిస్ బుక్ రికార్డ్స్ సాధించారు. మ‌న దేశంలోనూ ఈ రికార్డుల‌ను సాధించిన వారు చాలా మందే ఉన్నారు. అయితే బాలీవుడ్‌కు చెందిన ప‌లువురు సెల‌బ్రిటీలు కూడా ఈ రికార్డ్స్‌ను సాధించారు. ఇక వారు ఎవ‌రో ఇప్పుడు తెలుసుకుందాం.

బాలీవుడ్ సూప‌ర్ స్టార్‌గా పిల‌వ‌బ‌డే అమితాబ్ బ‌చ్చ‌న్‌కు ఉన్న స్టార్ డ‌మ్ అంతా ఇంతా కాదు. ఇప్ప‌టికీ ఆయ‌న ఎంతో యాక్టివ్‌గా సినిమాలు చేస్తున్నారు. టీవీ షోల్లోనూ పాల్గొంటున్నారు. అయితే ఈయ‌న పేరున ఒక గిన్నిస్ రికార్డు ఉంది. అదేమిటంటే.. ఈయ‌న 19 మంది సింగ‌ర్స్‌తో క‌లిసి హ‌నుమాన్ చాలీసా ప‌ఠించారు. ఇందుకు గాను ఆయ‌న‌కు గిన్నిస్ రికార్డు ల‌భించింది. ఇక బాలీవుడ్ న‌టుడు, కింగ్ ఖాన్‌గా పిల‌వ‌బ‌డే షారూక్ కూడా గిన్నిస్ రికార్డును అందుకున్నాడు. 2013లో రూ.223 కోట్లు సంపాదించి అత్య‌ధిక పారితోషికం అందుకున్న ఇండియ‌న్ న‌టుడిగా ఈయ‌న రికార్డును నెల‌కొల్పాడు.

న‌టి సోనాక్షి సిన్హా పేరిట కూడా ఒక గిన్నిస్ రికార్డు ఉంది. ఈమె అత్య‌ధిక మంది ఒకేసారి గోర్ల పెయింట్ వేసుకున్న ఈవెంట్‌లో పాల్గొని త‌న పేరును కూడా రికార్డుల్లో వ‌చ్చేలా చేసుకుంది. ఇక అభిషేక్ బ‌చ్చ‌న్ పేరిట కూడా ఒక గిన్నిస్ రికార్డు ఉంది. ఈయ‌న త‌న ఢిల్లీ 6 మూవీకి గాను 12 గంట‌ల్లో అత్య‌ధిక చోట్ల ప్ర‌మోష‌న్ చేశారు. ఇందుకు గాను ఈయ‌న త‌న ప్రైవేట్ జెట్ ద్వారా ఏకంగా 1800 కిలోమీట‌ర్ల దూరం ప్ర‌యాణించారు. అలాగే అత్య‌ధిక పాట‌లు పాడిన సింగ‌ర్‌గా ఆషా భోంస్లే గిన్నిస్ రికార్డుల్లోకి ఎక్కారు. 2011 అక్టోబ‌ర్ వ‌ర‌కు ఈమె ప‌లు భార‌తీయ భాష‌ల్లో మొత్తం క‌లిపి ఏకంగా 11వేల‌కు పైగా పాట‌ల‌ను పాడారు.

1998లో ఒకే రోజు ఏకంగా 28 పాట‌లు పాడిన బాలీవుడ్ సింగ‌ర్‌గా కుమార్ సాను అప్ప‌ట్లో గిన్నిస్ రికార్డు సాధించారు. ఒక కుటుంబం నుంచి అత్య‌ధిక న‌టులు వ‌చ్చిన వంశంగా క‌పూర్ కుటుంబానికి బాలీవుడ్ లో గిన్నిస్ రికార్డు ఉంది. దీన్ని క‌పూర్ వంశం మొద‌టి యాక్ట‌ర్ పృథ్వీ రాజ్ క‌పూర్ సాధించారు. 2013 సంవ‌త్సరానికి గాను బాలీవుడ్‌లో అత్య‌ధిక పారితోషికం అందుకున్న న‌టిగా క‌త్రినా కైఫ్ రికార్డు సృష్టించింది. అప్ప‌ట్లో ఈమె రూ.63.75 కోట్ల‌ను ఏడాదిలో అందుకోవ‌డం విశేషం. 2023లో త‌న మూవీ సెల్ఫీ కోసం ఫ్యాన్స్‌తో అత్య‌ధిక సెల్ఫీలు తీసుకున్న న‌టుడిగా అక్ష‌య్ కుమార్ గిన్నిస్ రికార్డుల్లోకి ఎక్కారు. ఇలా ప‌లువురు బాలీవుడ్ సెల‌బ్రిటీలు గిన్నిస్ రికార్డుల‌ను సాధించారు.