వాటిని చూసి తరుణ్ చాలా ఫీల్ అవుతాడు.. దర్శకుడు తరుణ్ భాస్కర్ పై మంచు లక్ష్మి కామెంట్స్!

మంచు లక్ష్మి ఆహా యాప్ ద్వారా “ఆహా భోజనంబు”అనే వంటల కార్యక్రమం ద్వారా వంటలక్కగా మారిన సంగతి మనకు తెలిసిందే. ఈ కార్యక్రమం ద్వారా పలు రకాల వంటలను చేయిస్తూ ప్రేక్షకులను ఆకట్టుకోవడానికి సిద్ధమయ్యారు. ఈ క్రమంలోనే ఆహా యాప్ ద్వారా ఇప్పటికే 2 ఎపిసోడ్లను పూర్తి చేసుకున్న ఈ కార్యక్రమం ప్రేక్షకులను బాగానే ఆకట్టుకుందని చెప్పవచ్చు.

ఇప్పటికే మొదటి ఎపిసోడ్ కు హీరో విశ్వక్ వచ్చి వింత ప్రయోగాలు చేసి ఎంతో సందడి చేశాడు. అదేవిధంగా రెండవ ఎపిసోడ్ కి హీరోయిన్ రకుల్ ప్రీత్ సింగ్ వచ్చే అభిమానులను బాగా సందడి చేశారు. ఇక శుక్రవారం తాజాగా మూడవ ఎపిసోడ్ ప్రసారమయింది. ఈ కార్యక్రమానికి దర్శకుడు తరుణ్ భాస్కర్ వచ్చారు. తరుణ్ భాస్కర్ తో మంచులక్ష్మి ఎంతో సందడి చేశారు.

ఈ సందర్భంగా తరుణ్ భాస్కర్ మాట్లాడుతూ తాను ఒక మంచి భోజనప్రియుడని తెలిపారు.ఈ క్రమంలోనే తరుణ్ భాస్కర్ దర్శకుడిగా తెరకెక్కించిన మొదటి చిత్రం పెళ్లిచూపులు అంతా భోజనం ఆధారంగానే తెరకెక్కించారు. నిజానికి పెళ్లి చూపులు సినిమాలో ముందుగా లక్ష్మి మంచుని కలిసి నటించాలని కోరారు. కొన్ని కారణాల వల్ల ఈ సినిమాలో చేయలేదు. అయినా వీరి మధ్య మంచి స్నేహం ఏర్పడింది. ఈ క్రమంలోనే ఆహా భోజనంబు కార్యక్రమంలో భాగంగా మంచు లక్ష్మి తరుణ్ భాస్కర్ గురించి కొన్ని ఆసక్తికరమైన ఈ విషయాలను వెల్లడించారు. తరుణ్ భాస్కర్ ఇంస్టాగ్రామ్ లో వచ్చిన కామెంట్లు చూసి కూడా ఎంతో ఫీల్ అయ్యేవాడిని తన గురించి ఆసక్తికరమైన వ్యాఖ్యలు చేశారు.ఇప్పుడు కూడా అలాగే ఫీల్ అవుతున్నావా? అని అడగగా.. లేదు ఇప్పుడు అందరిని బ్లాక్ చేస్తూ వస్తున్నా అంటూ సమాధానమిచ్చారు. ఇలా వీరి వీరి మధ్య ఎంతో సరదాగా ఈ కార్యక్రమం కొనసాగింది.