ఐదు ప్రాజెక్టులకు ఒకే చెప్పిన బన్నీ.. దర్శకులు ఎవరంటే?

టాలీవుడ్ స్టైలిష్ స్టార్ అల్లు అర్జున్ ప్రస్తుతం పుష్ప సినిమా ద్వారా పాన్ ఇండియా హీరోగా మారబోతున్నారు. ఈ క్రమంలోనే దర్శకుడు సుకుమార్ పుష్ప సినిమాను ఎంతో ప్రతిష్టాత్మకంగా పాన్ ఇండియా స్థాయిలో తెరకెక్కిస్తున్నారు. ఇప్పటికే ఈ సినిమా నుంచి విడుదలైన టీజర్ లు, పోస్టర్లు ఈ సినిమాపై భారీ అంచనాలు పెంచాయి. అన్నీ సవ్యంగా జరిగి ఉంటే ఈపాటికి పుష్ప సినిమా షూటింగ్ పూర్తి చేసుకుని విడుదలకు సిద్ధంగా ఉండేది.

కరోనా సెకండ్ వేవ్ ఉదృతి కావడం వల్ల ఈ సినిమా షూటింగ్ వాయిదా పడటం.. అల్లు అర్జున్ కరోనా బారిన పడటం వంటివి జరగటంతో ఈ సినిమా షూటింగ్ మరి కాస్త ఆలస్యం కానుంది. ఈ క్రమంలోనే అల్లు అర్జున్ పుష్ప సినిమా తర్వాత చేయబోయే మరిన్ని ప్రాజెక్ట్ గురించి ప్రస్తుతం సోషల్ మీడియాలో వైరల్ గా మారాయి.

ప్రస్తుతం అల్లు అర్జున్ పుష్ప సినిమా షూటింగ్ పూర్తి కాగానే తన దృష్టిని మొత్తం వేణు శ్రీరామ్ దర్శకత్వంలో ఐకాన్ సినిమా చేయబోతున్నట్లు వార్తలు వినిపించాయి. ఈ సినిమా తర్వాత కొరటాల శివ దర్శకత్వంలో ఓ సినిమా చేయనున్నారు. అదే విధంగా దర్శకుడు మురుగదాస్, బోయపాటి శ్రీను వంటి దర్శకులతో వరుస సినిమాలు తర్వాత తిరిగి పుష్ప పార్ 2 చిత్రీకరణలో పాల్గొననున్నారు. అదేవిధంగా కేజిఎఫ్ డైరెక్టర్ ప్రశాంత్ నీల్ తో కూడా చర్చలు జరుగుతున్నట్లు ఇంటర్వ్యూ సందర్భంగా బన్నీవాసు తెలియజేశారు. అయితే బన్నీ చేయబోయే ఈ ప్రాజెక్ట్ గురించి అధికారిక ప్రకటన వెలువడాల్సి ఉంది.