రోడ్డు దాటిన భారీ అన‌కొండ‌.. ట్రాఫిక్ జామ్‌.. వైర‌ల్ వీడియో..!

అట‌వీ ప్రాంతాల నుంచి వెళ్లే ర‌హ‌దారుల్లో స‌హజంగానే మ‌న‌కు వ‌న్య ప్రాణులు క‌నిపిస్తుంటాయి. అవి రోడ్డు దాటుతుంటాయి. అయితే కొన్ని సంద‌ర్భాల్లో అవి రోడ్డు దాటుతూ వాహ‌న‌దారుల‌కు క‌నిపించి భ‌యాన్ని క‌ల‌గ‌జేస్తాయి. ఈ క్ర‌మంలోనే అలా ఓ భారీ అన‌కొండ పాము రోడ్డు దాటుతూ క‌నిపించింది. దీంతో వాహ‌న‌దారులు ఆగి మ‌రీ దాన్ని చాలా ఆస‌క్తిగా చూశారు.

బ్రెజిల్‌లో ఓ చోట అట‌వీ ప్రాంతం నుంచి వెళ్తున్న ర‌హ‌దారిలో ఓ 10 అడుగుల అన‌కొండ క‌నిపించింది. అది రోడ్డుకు ఒక వైపు నుంచి ఇంకో వైపుకు దాటుతోంది. దీంతో ట్రాఫిక్ కాసేపు ఆగింది. అయితే దాన్ని చూసేందుకు వాహ‌న‌దారులు ఆగి మ‌రీ దాన్ని త‌మ కెమెరాల్లో బంధించే ప్ర‌య‌త్నం చేశారు.

రోడ్డు దాటిన ఆ అన‌కొండ ఇంకో వైపుకు వెళ్లిపోయింది. అయితే ఆ స‌మ‌యంలో తీసిన వీడియోను ఓ యూజ‌ర్ ఇన్‌స్టాగ్రామ్‌లో పోస్టు చేయ‌గా అది వైర‌ల్‌గా మారింది. దానికి ఇప్ప‌టికే ల‌క్ష‌ల‌కు పైగా వ్యూస్‌, వేల‌ల్లో కామెంట్లు వ‌చ్చాయి.

సాధార‌ణంగా అన‌కొండ‌లు 250 కిలోల వ‌ర‌కు బ‌రువు పెరుగుతాయి. 29 అడుగుల పొడ‌వు వ‌ర‌కు పెర‌గ‌గ‌ల‌వు. అయితే ఆ అన‌కొండ రోడ్డుపై క‌నిపించ‌డంతో దాన్ని చూసేందుకు చాలా మంది ఆస‌క్తి చూపించారు.