Vastu Tips For Office : వ్యాపారంలో బాగా లాభాలు రావాలంటే.. ఈ వాస్తు చిట్కాల‌ను పాటించండి..!

Vastu Tips For Office : ప్రతి ఒక్కరు కూడా, మంచి జరగాలని అనుకుంటుంటారు. ఈ రోజుల్లో డబ్బు లేకపోతే ఏమీ లేదు. ప్రతి ఒక్కరు కూడా, బాగా డబ్బులు సంపాదించాలని, మంచి పొజిషన్లోకి వెళ్లాలని చూస్తూ ఉంటారు. పైగా, ఈ రోజుల్లో చాలామంది, ఉద్యోగాల కంటే వ్యాపారాలను చేయడానికి ఇష్టపడుతున్నారు. మీరు కూడా, వ్యాపారం చేస్తున్నారా..? వ్యాపారంలో లాభాలు రావాలని అనుకుంటున్నారా..? అయితే, ఈ వాస్తు చిట్కాలని పాటించండి. ఈ వాస్తు చిట్కాలని పాటించడం వలన, వ్యాపారంలో మీకు బాగా కలిసి వస్తుంది. బాగా డబ్బులు వస్తాయి.

ఎప్పుడూ కూడా, మీరు మీ దుకాణాన్ని తెరవగానే ముందు వినాయకుడిని పూజించండి. ఇలా చేస్తే, రోజంతా కూడా మీకు బాగుంటుంది. మంచి స్థలంలో దుకాణం ఉండేటట్టు చూసుకోండి. ప్రవేశ ద్వారానికి ఎదురుగా స్తంభాలు కానీ చెట్లు కానీ లేకుండా చూసుకోండి. ఇలా లేకుండా చూసుకుంటే, మంచి పాజిటివ్ ఎనర్జీ వస్తుంది. ద్వారానికి శుభం లాభం అని రాయడం, స్వస్తిక్ వంటి చిహ్నాలతో అలంకరించుకోవడం మంచిది. ఇలా చేస్తే, వాస్తు దోషాలు తొలగిపోతాయి.

మీరు మీ కస్టమర్లతో మాట్లాడేటప్పుడు, తూర్పు లేదా ఉత్తర ముఖంగా ఉండేటట్టు చూసుకోండి. డబ్బులు పెట్టే చోటు, ఎప్పుడూ కూడా ఉత్తరం వైపు కానీ తూర్పు వైపు కానీ ఉండేటట్టు చూసుకోండి. దుకాణాన్ని, ఆఫీసుని శుభ్రపరిచేటప్పుడు ఉప్పు ని వాడండి. ఇలా మీరు ఉప్పుని వాడడం వలన నెగటివ్ ఎనర్జీ తొలగిపోతుంది. చక్కటి పాజిటివ్ ఎనర్జీ వస్తుంది. అదృష్టాన్ని పెంపొందించుకోవడానికి ఉత్తరం, ఈశాన్యం వైపు వాటర్ ఫౌంటైన్ ని పెట్టండి. అలానే. వాయువు దిశలో మెట్లు లేకుండా చూసుకోండి. యజమాని నైరుతి, తూర్పు, ఉత్తరం వైపు కూర్చోవాలి.

షాపు యజమానులు ఈశాన్యం, వాయువ్యం, దక్షిణ దిశల్లో కూర్చోకూడదు. తూర్పు వైపు ముఖద్వారం ఉంటే, ఆర్థిక లాభం కలుగుతుంది. పశ్చిమ వైపు ఉంటే, అడ్డంకులు వస్తాయి. ఉత్తరాభిముఖం అయితే, సంపద. దక్షిణం అయితే నష్టం. ఆఫీస్ అయితే, ఉత్తరం లేదా తూర్పు వైపు ప్రవేశద్వారం ఉండేటట్టు చూసుకోవాలి. ఆఫీసుల్లో తలుపులు తెరిచి ఉంచాలి. రెస్టారెంట్ల విషయానికి వస్తే, రెస్టారెంట్ల ప్రవేశద్వారం ఆకర్షించే విధంగా ఉండాలి. నైరుతిలో సామాగ్రిని నిల్వ చేసుకోండి. వంటగది ఆగ్నేయం వైపు ఉండాలి.