T20 World Cup 2021 : అబుధాబి వేదికగా జరిగిన ఐసీసీ టీ20 వరల్డ్ కప్ 2021 టోర్నీ 30వ మ్యాచ్లో బంగ్లాదేశ్పై సౌతాఫ్రికా ఘన విజయం సాధించింది. కేవలం 84 పరుగులకే బంగ్లా ఆలౌట్ కాగా సఫారీలు స్వల్ప లక్ష్యాన్ని 39 బంతులు మిగిలి ఉండగానే ఛేదించారు. దీంతో బంగ్లాదేశ్పై సౌతాఫ్రికా 6 వికెట్ల తేడాతో గెలుపొందింది.
మ్యాచ్లో టాస్ గెలిచిన సౌతాఫ్రికా ముందుగా ఫీల్డింగ్ ఎంచుకోగా బంగ్లాదేశ్ బ్యాటింగ్ చేసింది. ఈ క్రమంలో 18.2 ఓవర్లలో బంగ్లా జట్టు 84 పరుగులు మాత్రమే చేసి ఆలౌట్ అయింది. బంగ్లా బ్యాట్స్మెన్లలో మహేది హసన్ 27 పరుగులు, లైటస్ దాస్ 24 పరుగులు చేశారు. మిగిలిన ఎవరూ ఆకట్టుకోలేదు. సౌతాఫ్రికా బౌలర్లలో రబాడా, నోర్జెలు చెరో 3 వికెట్లు పడగొట్టగా, తబ్రెయిజ్ శంషీ 2 వికెట్లు తీశాడు. ప్రిటోరియస్కు 1 వికెట్ దక్కింది.
అనంతరం బ్యాటింగ్ చేసిన సౌతాఫ్రికా 13.3 ఓవర్లలో లక్ష్యాన్ని ఛేదించింది. 4 వికెట్లను కోల్పోయి 86 పరుగులు చేసింది. సౌతాఫ్రికా బ్యాట్స్మెన్లలో బవుమా 31 పరుగులు, రాసీ వన్ డర్ డుసెన్ 22 పరుగులు చేశారు. బంగ్లాదేశ్ బౌలర్లలో టస్కిన్ అహ్మద్ 2 వికెట్లు తీయగా, మహెది హసన్, నసుమ్ అహ్మద్లకు చెరొక వికెట్ దక్కింది.
స్పందించండి