T20 World Cup 2021 : న‌మీబియాపై న్యూజిలాండ్ ఘ‌న విజ‌యం..!

T20 World Cup 2021 : షార్జా వేదిక‌గా జ‌రిగిన ఐసీసీ టీ20 వ‌ర‌ల్డ్ క‌ప్ 2021 టోర్నీ 36వ మ్యాచ్‌లో న‌మీబియాపై న్యూజిలాండ్ ఘ‌న విజ‌యం సాధించింది. న్యూజిలాండ్ నిర్దేశించిన ల‌క్ష్యాన్ని న‌మీబియా ఛేదించ‌లేక‌పోయింది. ఈ క్ర‌మంలో న‌మీబియాపై న్యూజిలాండ్ 52 ప‌రుగుల తేడాతో గెలుపొందింది.

మ్యాచ్‌లో టాస్ గెలిచిన న‌మీబియా ముందుగా ఫీల్డింగ్ ఎంచుకోగా కివీస్ బ్యాటింగ్ చేసింది. ఈ క్ర‌మంలో న్యూజిలాండ్ జ‌ట్టు నిర్ణీత 20 ఓవ‌ర్ల‌లో 4 వికెట్ల న‌ష్టానికి 163 ప‌రుగులు చేసింది. కివీస్ బ్యాట్స్‌మెన్‌ల‌లో గ్లెన్ ఫిలిప్స్ 39 ప‌రుగులు, జేమ్స్ నీష‌మ్ 35, కేన్ విలియ‌మ్స‌న్ 28 ప‌రుగుల‌తో రాణించారు. న‌మీబియా బౌల‌ర్ల‌లో బెర్నార్డ్ షోల్జ్‌, డేవిడ్ వెయిస్‌, గెర్హార్డ్ ఎరాస్మ‌స్‌ల‌కు త‌లా 1 వికెట్ ద‌క్కింది.

అనంత‌రం బ్యాటింగ్ చేసిన నమీబియా 20 ఓవ‌ర్ల‌లో 7 వికెట్ల న‌ష్టానికి 111 ప‌రుగులు మాత్ర‌మే చేయ‌గ‌లిగింది. న‌మీబియా బ్యాట్స్‌మెన్‌ల‌లో మైకేల్ వాన్ లింగెన్ 25 ప‌రుగులు, జేన్ గ్రీన్ 23, స్టీఫ‌న్ బార్డ్ 21 ప‌రుగులు చేసి ఫ‌ర్వాలేద‌నిపించారు. మిగిలిన ఎవ‌రూ ఆక‌ట్టుకోలేదు. కివీస్ బౌల‌ర్ల‌లో టిమ్ సౌతీ, ట్రెంట్ బౌల్ట్‌ల‌కు చెరో 2 వికెట్లు ద‌క్కాయి. మిచెన్ శాన్ట‌న‌ర్‌, జేమ్స్ నీష‌మ్‌, ఇష్ సోధిలు త‌లా 1 వికెట్ తీశారు.