కరోనా నేపథ్యంలో ఇప్పటికే దాదాపుగా అన్ని బ్యాంకులు వీలైనంత వరకు అన్ని లావాదేవీలను ఆన్లైన్లోనే నిర్వహిస్తున్నాయి. ఈ క్రమంలోనే ఎస్బీఐ తన వినియోగదారులకు మరింత సౌకర్యాన్ని అందించేందుకు ఇంటి వద్దకే నగదు తెచ్చి అందిస్తోంది. ఈ సౌకర్యాన్ని ఎస్బీఐ కస్టమర్లు ఉపయోగించుకోవచ్చు. అందుకు ఏం చేయాలంటే..
ఎస్బీఐ అందిస్తున్న డోర్ డెస్ట్ డెలివరీ సర్వీస్ తో రోజుకు రూ.20వేల వరకు ఖాతాదారులు ఇంటి వద్దే నగదు పొందవచ్చు. అంతే మొత్తంలో నగదును డిపాజిట్ చేయవచ్చు. ఉదయం 9 నుంచి సాయంత్రం 4 గంటల మధ్య ఈ సేవ అందుబాటులో ఉంటుంది. బ్యాంకు పనిదినాల్లో మాత్రమే ఈ సేవను అందిస్తారు.
ఖాతాదారులు తమ హోమ్ బ్రాంచ్ నుంచి మాత్రమే ఇలా నగదు పొందే సౌకర్యం ఉంది. నగదు డెలివరీ సమయంలో కేవైసీ వివరాలను సమర్పించాల్సి ఉంటుంది. ఈ సర్వీస్కు రూ.100 + జీఎస్టీ ఫీజు చెల్లించాలి. నగదు డిపాజిట్ చేసినా ఇంతే మొత్తంలో చెల్లించాల్సి ఉంటుంది. మరిన్ని వివరాలకు 1800 1111 03 అనే నంబర్కు కాల్ చేయవచ్చు. హోం బ్రాంచి నుంచి 5 కిలోమీటర్ల పరిధిలో నివాసం ఉండే కస్టమర్లు ఈ సేవను ఉపయోగించుకోవచ్చు. చెక్బుక్ లేదా పాస్బుక్ తో నగదును విత్డ్రా చేయవచ్చు.
స్పందించండి