Salaar Story : బాహుబలి తర్వాత వరుసగా పాన్ ఇండియా మూవీస్ చేస్తున్నాడు రెబల్ స్టార్. ఈ క్రమంలో సాహో, రాధే శ్యామ్, ఆదిపురుష్ మూవీస్ కు కమిట్ అయ్యాడు ప్రభాస్. కానీ ఈ టైంలో ప్రభాస్ నుంచి మంచి మాస్ మూవీ వస్తే.. అది బ్లాక్ బస్టర్ అవ్వడం ఖాయం. ప్రశాంత్ నీల్ దర్శకత్వంలో తెరకెక్కనున్న సలార్ అదే స్థాయిలో ఉంటుందని అభిమానులతోపాటు సాధారణ ప్రేక్షకులు కూడా భావిస్తున్నారు. రూ.250 కోట్ల భారీ బడ్జెట్ తో ఈ చిత్రాన్ని రూపొందిస్తున్నారు. ప్రభాస్ సరసన శృతి హాసన్ హీరోయిన్ గా నటిస్తోంది. కెజి.ఫ్ సిరీస్ కు పని చేసిన టీం ఈ చిత్రానికి కూడా పనిచేస్తుండడం విశేషం. ఇదిలా ఉంటే.. ఇప్పటికే సలార్ మూవీకి సంబంధించి కొన్ని లీక్డ్ పిక్స్ నెట్టింట్లో సందడి చేసిన సంగతి తెలిసిందే.
అయితే ఇప్పుడు ఈ మూవీ స్టోరీ కూడా సోషల్ మీడియాలో లీక్ అయ్యి వైరల్ అవుతోంది. స్టోరీ ఏంటంటే.. ఈ సినిమాలో ప్రభాస్ తన మిత్రుడి ఆశయాలను నెరవేర్చే వాడిగా కనిపించబోతున్నాడట. అతన్ని విలన్స్ కొన్ని కారణాల వాళ్ళ చంపేస్తారట. చనిపోయే ముందు ప్రభాస్ తో అన్ని విషయాలు చెప్పి తన ఆశయాన్ని బ్రతికించమని కోరుతాడట. ఆ స్నేహితుడి పాత్రలో మలయాళం స్టార్ హీరో పృథ్వీరాజ్ నటించబోతున్నాడట. ఇక ఈ సినిమాలో శృతి హాసన్ ఒక జర్నలిస్ట్ పాత్రలో నటిస్తోంది. ఇందులో ప్రభాస్, శృతిహాసన్ మధ్య వచ్చే సన్నివేశాలు ఎంతో అద్భుతంగా వచ్చాయట.
ఈ చిత్రం క్లైమాక్స్ లో శృతి హాసన్ చనిపోతుందని తెలుస్తోంది. ఈ సినిమా కూడా కేజీఎఫ్ సిరీస్ లాగానే ఫుల్ యాక్షన్ సన్నివేశాలతోపాటు ఎమోషనల్ సన్నివేశాలు కూడా బలంగా ఉన్నాయట. ప్రభాస్ ఫాన్స్ ఆకలి తీర్చే విధంగా ఈ సినిమాలో ప్రతి షాట్ అద్భుతంగా తెరకెక్కిస్తున్నాడట ప్రశాంత్ నీల్. ఇది ఇలా ఉండగా హాలీవుడ్ తరహాలో కేజీఎఫ్ కూడా సినిమాటిక్ యూనివర్స్ గా చేసే ఆలోచన ఉన్నట్టు ఆ చిత్ర నిర్మాతలు అధికారికంగా తెలియజేసిన సంగతి తెలిసిందే.
అంటే ఒక సినిమా లింక్ ని మరో సినిమాకి కలపడం. అదే విధంగా సలార్ ప్రపంచంలోకి రాకీ భాయ్ కూడా అడుగుపెడుతాడట. ఈ మూవీకి క్లైమాక్స్ ట్విస్ట్ అదే. రాకీ భాయ్ కి, సలార్ కి లింక్ ఏమిటి అనే ట్విస్ట్ ఫాన్స్, ప్రేక్షకుల మైండ్ బ్లాస్ట్ అయ్యే విధంగా ఉండబోతోంద‌ట. ప్రస్తుతం డార్లింగ్ ఫ్యాన్స్ సలార్ టీజర్ కోసం ఆసక్తిగా ఎదురు చూస్తున్నారు.
