RRR Trailer : బాహుబలి సినిమాతో అందరి దృష్టిని ఆకర్షించిన రాజమౌళి ఇప్పుడు టాలీవుడ్ హీరోలు రామ్ చరణ్, ఎన్టీఆర్ ప్రధాన పాత్రలలో ఆర్ఆర్ఆర్ అనే మల్టీ స్టారర్ ను తెరకెక్కించారు. ఈ సినిమా జనవరి 7న విడుదల కానుండగా, చిత్ర ప్రమోషన్లో భాగంగా ట్రైలర్ ను విడుదల చేశారు. ఒళ్లు గగుర్పొడిచే యాక్షన్ సీక్వెన్స్లు, రోమాలు నిక్కబొడిచే సన్నివేశాలు, ప్రతి భారతీయుడిలోనూ ప్రేరణ నింపేలా సాగిన డైలాగ్లతో ట్రైలర్ అదిరిపోయింది.
‘భీమ్.. ఈ నక్కల వేట ఎంతసేపు.. కుంభస్థలాన్ని బద్దలుకొడదాం రా’’ అంటూ రామ్చరణ్ చెప్పే డైలాగ్ ప్రేక్షకుల చేత ఈలలు వేయిస్తోంది. రామరాజుగా రామ్ చరణ్.. భీమ్ గా తారక్ అదరగొట్టారని ట్రైలర్ చూసి చెప్పొచ్చు. జనవరి 7వ తేదీన జరగబోయే విధ్వంసం ఏ రేంజ్ లో ఉంటుందో.. లేటెస్టుగా విడుదలైన 3.07 నిమిషాల ‘ఆర్.ఆర్.ఆర్’ ట్రైలర్ వెల్లడిస్తోంది. ఎన్టీఆర్ – రామ్ చరణ్ కలసి బాక్సాఫీస్ మీద దండయాత్ర చేయబోతున్నారని అర్థం అవుతోంది.
ఎంఎం కీరవాణి బ్యాక్ గ్రౌండ్ స్కోర్ – సెంథిల్ కుమార్ సినిమాటోగ్రఫీ ‘ఆర్.ఆర్.ఆర్’ కు ఆయువుపట్టుగా నిలిచాయి. బుర్రా సాయి మాధవ్ డైలాగ్స్ అద్భుతంగా ఉన్నాయి. ఇందులో బాలీవుడ్ బ్యూటీ అలీయా భట్ – హాలీవుడ్ ముద్దుగుమ్మ ఒలివియా మోరీస్ హీరోయిన్లుగా మెప్పించారు. అజయ్ దేవగన్ – సముద్ర ఖని – శ్రియా లు సినిమాలో కొంత సేపే కనిపించినా ఆకట్టుకున్నారు. రూ.450 కోట్ల బడ్జెట్తో డీవీవీ ఎంటర్టైన్మెంట్స్ బ్యానర్ పై నిర్మాత దానయ్య ఈ చిత్రాన్ని నిర్మించారు.
