Niharika Konidela : ఇన్‌స్టాగ్రామ్‌కు నిహారిక గుడ్‌బై.. కారణం అదే..?

Niharika Konidela : నిహారిక కొణిదెల పేరు గురించి ప్రత్యేకంగా పరిచయం అవసరం లేదు. మెగా డాటర్ గా మంచి గుర్తింపు సంపాదించుకున్న నిహారిక యాంకర్ గా ఇండస్ట్రీకి ఎంట్రీ ఇచ్చి అనంతరం ఒక మనసు చిత్రంతో హీరోయిన్ గా మారిపోయింది. ఇలా మెగా కాంపౌండ్ నుంచి హీరోయిన్ గా ఎంట్రీ ఇచ్చిన మొదటి వ్యక్తిగా నిహారిక పేరు సంపాదించుకుంది. ఇండస్ట్రీలో యాంకర్ గా, హీరోయిన్ గా కొనసాగుతున్న సమయంలోనే జొన్నలగడ్డ వెంకట చైతన్య అనే వ్యక్తిని వివాహం చేసుకుంది.

వివాహం తర్వాత సినిమాలకు దూరమైన నిహారిక నిర్మాతగా ఒక చిన్న ఫ్యామిలీ స్టోరీ అనే వెబ్ సిరీస్ నిర్మించి నిర్మాతగా మంచి గుర్తింపును సంపాదించుకుంది. ఇలా వైవాహిక జీవితంలో కూడా నిహారిక ఎంతో సంతోషంగా గడుపుతూ నిత్యం తనకు సంబంధించిన ప్రతి చిన్న విషయాన్ని సోషల్ మీడియా వేదికగా అభిమానులతో పంచుకుంటోంది. సోషల్ మీడియాలో ఎంతో యాక్టివ్ గా ఉండే నిహారిక ఉన్నఫలంగా తన ఇన్‌స్టాగ్రామ్ అకౌంట్ ను డిలీట్ చేసింది.

అయితే నిహారిక తన ఇన్‌స్టాగ్రామ్ అకౌంట్ ను డిలీట్ చేయడానికి కారణం ఏమిటి అని నెటిజన్లు పెద్ద ఎత్తున సందేహాలు వ్యక్తపరుస్తున్నారు.  గత కొద్ది రోజుల క్రితం నిహారిక ఇన్‌స్టాగ్రామ్ ద్వారా జిమ్ కి సంబంధించిన వీడియోని షేర్ చేసింది. అయితే ఈ వీడియో పై పెద్ద ఎత్తున ట్రోల్స్ రావడంతో నిహారిక తన ఇన్‌స్టాగ్రామ్ అకౌంట్ ను డిలీట్ చేసినట్లు తెలుస్తోంది. మరి ఈమె అకౌంట్ డిలీట్ చేయడానికి కారణం ఇదేనా.. లేకపోతే మరేదైనా కారణం ఉందా.. అనే విషయం తెలియాల్సి ఉంది.