Karate Kalyani : నేను పైట జారిస్తే వాళ్లంతా సొల్లు కారుస్తారు.. క‌రాటే క‌ళ్యాణి బోల్డ్ కామెంట్స్..!

Karate Kalyani : తెలుగు సినీ నటి, బిగ్ బాస్ ఫేమ్ కరాటే కళ్యాణి గురించి అందరికీ తెలిసిందే. ఈమె సినిమాల్లో ఎన్నో బోల్డ్ పాత్రల్లో నటించింది. బయట కూడా ఈమె ఎంతో బోల్డ్ గా మాట్లాడుతూ ఉంటుంది. ఇక బిగ్ బాస్ హౌస్ లో ఉన్నంత కాలం తన మాటలతో బాగా రెచ్చిపోయింది. కరాటే కల్యాణి తెలుగులో ఎన్నో సినిమాల్లో నటించినా రానీ గుర్తింపు వి.వి.వినాయక్ దర్శకత్వంలో రవితేజ హీరోగా నటించిన కృష్ణ సినిమాలో బ్రహ్మానందాన్ని బాబీ అంటూ ఓ రకంగా పిలిచిన పిలుపుతోనే బాగా పాపులర్ అయ్యింది.

నటిగా బిజీగా ఉంటూనే ఈ మధ్యకాలంలో సమాజంలో జరిగే సంఘటనలపై తనదైన శైలిలో స్పందిస్తూ ఉంది. అయితే ఆమెకు వ్య‌క్తిగ‌త జీవితం క‌లిసి రాలేదు. ఆమె ప్రేమించినోడు.. పెళ్లి చేసుకున్నోడు కూడా త‌న‌ను మోసం చేశార‌ని ఎన్నోసార్లు వాపోయింది. ప్రస్తుతం రాజకీయాల్లో చురుకైన పాత్ర పోషిస్తోంది. బీజేపీలో చేరిన కరాటే కల్యాణి ఆ పార్టీకి వ్యతిరేకంగా మాట్లాడే వాళ్లపై నిప్పులు చెరుగుతూ ఉంటుంది. ఇక చెప్పేవి నీతులు చేసేవి బూతు పాత్రలు అని విమర్శలు రావడంతో గత కొద్ది రోజులుగా వ్యాంప్ పాత్రలకు కూడా కరాటే కల్యాణి గుడ్ బై చెప్పేసింది.

ఇప్పుడు కేవలం రాజకీయాల్లో కొనసాగుతోంది. అయితే కొన్ని ఇంటర్వ్యూల్లో కల్యాణి మాట్లాడుతూ పూర్తిగా సినిమాలకు కూడా గుడ్ బై చెబుతా అంటూ వ్యాఖ్యానించింది. అంతే కాకుండా హరికథలు, పురాణాలు చెబితే రాని గుర్తింపు తనకు వ్యాంప్ పాత్రల ద్వారా వచ్చినట్టు తెలిపింది. సినిమాల్లోకి వచ్చి తాను పైట జారిస్తే మాత్రం ప్రేక్షకులు ఆదరించారు అని పేర్కొంది. ఇప్పటికీ తాను ఏ షో కు వెళ్ళినా బాబీ అంటూ పిలుస్తారని చెప్పింది. తనను గుర్తు పట్టినందుకు సంతోష‌పడాలో లేదంటే.. త‌న‌కు వ‌చ్చిన క్రేజ్‌ వ్యాంప్ పాత్రల వల్లే వచ్చింద‌ని బాధపడాలో అర్థంకాదని ఆవేదన వ్యక్తం చేసింది కరాటే కల్యాణి.