నిరుద్యోగులకు స్టాఫ్ సెలక్షన్ కమిషన్ శుభవార్తను తెలిపింది.SSC ద్వారా కానిస్టేబుల్ (జనరల్ డ్యూటీ) 2021 నోటిఫికేషన్ విడుదలయింది. ఈ నోటిఫికేషన్ ద్వారా ఏకంగా 25, 271 పోలీస్ ఉద్యోగాలను భర్తీ చేయనుంది. ఈ నోటిఫికేషన్ ద్వారా సెంట్రల్ ఆర్మ్డ్ పోలీసు ఫోర్స్, సెక్రటేరియల్ సెక్యూరిటీ ఫోర్స్, రైఫిల్మెన్ ఇన్ అసోం రైఫిల్స్లో, నేషనల్ ఇన్వెస్టిగేషన్ ఏజెన్సీ,కానిస్టేబుళ్ల ఖాళీలను భర్తీ చేయనుంది.
ఈ ఉద్యోగానికి దరఖాస్తు చేసుకునేవారు పదవ తరగతి ఉత్తీర్ణత సాధించిన వారు అర్హులు. వీరి వయసు 18 సంవత్సరాల నుంచి 23 సంవత్సరాలు ఉండాలి. రిజర్వేషన్ ఆధారంగా వయస్సు సడలింపు ఉంటుంది. ఈ ఉద్యోగాలకు దరఖాస్తు చేసుకునే మహిళ, ఎస్సీ, ఎస్టీ, ఇతరులకు ఎలాంటి పరీక్ష రుసుము లేదు. పురుషులు మాత్రం వంద రూపాయల పరీక్ష రుసుం చెల్లించాల్సి ఉంటుంది.
ఈ ఉద్యోగానికి దరఖాస్తు చేసుకునేవారు ఆన్లైన్ ద్వారా దరఖాస్తు చేసుకోవాలి. అభ్యర్థులను రాత పరీక్ష,ఫిజికల్ ఎఫిషియెన్సీ టెస్ట్,వైద్య పరీక్ష,ఫిజికల్ స్టాండర్డ్ పరీక్ష ఆధారంగా ఎంపిక ప్రక్రియ జరుగుతుంది. మొత్తం 100 మార్కులకు పరీక్ష ప్రశ్నాపత్రం ఉంటుంది. జులై 17 2021 నుంచి దరఖాస్తుల స్వీకరణ ప్రక్రియ ప్రారంభమైంది. ఆగస్టు 31 2021 దరఖాస్తుల స్వీకరణ చివరితేదీ. ఈ నోటిఫికేషన్ కి సంబంధించిన మరిన్ని వివరాలను అభ్యర్థులు ఈ క్రింది తెలిపిన వెబ్ సైట్ ను సంప్రదించాలి.https://ssc.nic.in/
స్పందించండి