Most Eligible Bachelor : సినిమా ఇండస్ట్రీలో గీతా ఆర్ట్స్ నిర్మాణ సంస్థకు ఉన్న క్రేజ్ గురించి ప్రత్యేకంగా చెప్పాల్సిన పనిలేదు. ఈ నిర్మాణ సంస్థలో తెరకెక్కే సినిమాలన్నీ అద్భుతమైన విజయాలను అందుకుంటాయనడంలో సందేహం లేదు. కథల ఎంపిక విషయంలో అల్లు అరవింద్ ప్రత్యేక దృష్టిసారించి సినిమాలని ఎంపిక చేసుకుంటారు. ఈ విధంగా ఎంపిక చేసిన చిత్రమే మోస్ట్ ఎలిజిబుల్ బ్యాచిలర్.
అక్కినేని వారసుడిగా ఇండస్ట్రీలోకి వచ్చిన అఖిల్ కు ఏ విధమైనటువంటి హిట్ సినిమాలు లేకపోవడంతో అతనితో మంచి సూపర్ హిట్ సినిమా చేయాలని అల్లు అరవింద్ ముందుకు వచ్చారు. ఈ క్రమంలోనే మోస్ట్ ఎలిజిబుల్ బ్యాచిలర్ కథ వినగానే తనకెంతో నచ్చిందని వెంటనే సినిమాకు ఓకే చెప్పారు. అయితే ఈ సినిమా షూటింగ్ 50 శాతం పూర్తి చేసిన తర్వాత స్క్రిప్ట్‌లో మార్పులు చేయాలని దర్శకుడు భాస్కర్ తెలియజేశారు. ఇందుకు ముందుగా ఒప్పుకొని బన్నివాసు ఆ తర్వాత భాస్కర్ ఐడియా నచ్చడంతో ఈ విషయాన్ని అల్లు అరవింద్ దగ్గర ప్రస్తావించారు.
ఈ విధంగా కథ మొత్తం మార్పులు చేసి ఈ సినిమాని తెరకెక్కించారని ఈ సినిమాలో సెకండ్ హాఫ్ ఎంతో ఆసక్తికరంగా ఉండబోతుందని, ముఖ్యంగా క్లైమాక్స్ సీన్ ప్రతి ఒక్కరికీ నచ్చుతుందని, అఖిల్ కెరీర్ లో ఇదొక మంచి సినిమాగా నిలబడుతుంది.. అంటూ అఖిల్ మోస్ట్ ఎలిజిబుల్ బ్యాచిలర్ గురించి బన్నీ వాసు షాకింగ్ కామెంట్స్ చేశారు. ఈ సినిమా ఇప్పటికే విడుదల కావాల్సి ఉండగా దసరా కానుకగా అక్టోబర్ 14వ తేదీన ప్రేక్షకుల ముందుకు రానుంది. మరి ఈ సినిమా ఏ విధంగా ప్రేక్షకులను ఆకట్టుకుంటుందో చూడాలి.
