Anasuya : అటు బుల్లితెర‌పైనే కాకుండా ఇటు వెండి తెర‌పై కూడా అన‌సూయ దూసుకుపోతోంది. రంగ‌స్థ‌లం సినిమాలోనే కాక.. ప‌లు ఇత‌ర మూవీల్లోనూ త‌న‌దైన శైలిలో న‌టించి ఆక‌ట్టుకుంది. దీంతో రంగ‌మ్మ‌త్త‌కు ఆఫ‌ర్లు ఏమాత్రం త‌గ్గ‌డం లేదు. ఈ క్ర‌మంలోనే అన‌సూయ‌కు మరో బంప‌ర్ ఆఫ‌ర్ వ‌చ్చిన‌ట్లు తెలుస్తోంది.
అల్లు అర్జున్‌, సుకుమార్‌ల కాంబినేష‌న్ లో తెర‌కెక్కుతున్న పుష్ప మూవీలో అన‌సూయ ఓ కీల‌క‌పాత్ర‌లో న‌టిస్తోంది. అలాగే ఆమె మరో మూవీలో ఇంకో స్పెష‌ల్ సాంగ్ చేయ‌నున్న‌ట్లు తెలుస్తోంది. ర‌వితేజ చాలా కాలం త‌రువాత క్రాక్ సినిమాతో హిట్ అందుకోగా.. ఆయ‌న చేస్తున్న త‌దుప‌రి మూవీలో అన‌సూయ ఓ పాట‌లో అల‌రిస్తుంద‌ని తెలిసింది.
క్రాక్ సినిమా హిట్ జోష్‌లో ఉన్న ర‌వితేజ ప్ర‌స్తుతం ఫామ్‌లోకి వ‌చ్చారు. ఈ క్ర‌మంలోనే ఆయ‌న ఖిలాడీ అనే మూవీలో న‌టిస్తున్నారు. ఇక న‌క్కిన త్రినాథ్ రావు ద‌ర్శ‌క‌త్వంలోనూ ర‌వితేజ ఓ మూవీ చేస్తున్నారు. కామెడీ అండ్ ఫ్యామిలీ ఎంట‌ర్‌టైన‌ర్‌గా ఈ మూవీ తెర‌కెక్కుతోంది. ఇందులో అన‌సూయ ఓ స్పెష‌ల్ సాంగ్ చేస్తుంద‌ని తెలిసంది. ఈ సాంగ్ చేసేందుకు అన‌సూయ గ్రీన్ సిగ్న‌ల్ ఇచ్చిన‌ట్లు తెలిసింది. త్వ‌ర‌లోనే ఈ వివ‌రాల‌ను అధికారికంగా ప్ర‌క‌టించ‌నున్నారు.
