ఏ రుతువులో లభించే పండ్లు, కూరలను ఆ రుతువులో తీసుకోవడం ఆరోగ్యకరం. ఈ సీజన్లో విరివిగా లభించే చింత చిగురును తినడం వల్ల అనేక లాభాలు కలుగుతాయి. అవేమిటో ఇప్పుడు తెలుసుకుందాం.
1. చింత చిగురులో డైటరీ ఫైబర్ పుష్కలంగా ఉంటుంది. దీంతో విరేచనం సులభంగా అవుతుంది. మలబద్దకం, పైల్స్ సమస్యలు తగ్గుతాయి.
2. చింత చిగురులో యాంటీ ఆక్సిడెంట్లు అధికంగా ఉంటాయి. దీంతో చెడు కొలెస్ట్రాల్ (ఎల్డీఎల్) తగ్గుతుంది. మంచి కొలెస్ట్రాల్ (హెచ్డీఎల్) పెరుగుతుంది.
3. చలి జ్వరం తగ్గాలంటే చింత చిగురును తినాలి. ఇందులో ఉండే ఔషధ కారకాలు ఇన్ఫెక్షన్లపై పోరాడుతాయి.
4. చింత చిగురును ఉడికించిన నీటిని పుక్కిలిస్తే గొంతు నొప్పి, మంట, వాపు తగ్గుతాయి. యాంటీ ఇన్ఫ్లామేటరీ గుణాలు చింత చిగురులో ఉంటాయి.
5. వేడి వేడి మసాలా పదార్థాలను తినడం వల్ల నోటిలో వచ్చే పగుళ్లు, పూతలను చింత చిగురు తగ్గిస్తుంది.
6. గుండె జబ్బులు రాకుండా చూస్తుంది. శరీరంలో ఎర్ర రక్త కణాల ఉత్పత్తికి అవసరమైన పోషకాలను అందిస్తుంది. రక్తాన్ని శుద్ధి చేసే గుణాలు చింత చిగురులో ఉంటాయి.
7. కడుపులో నులి పురుగుల సమస్యతో బాధపడుతున్న చిన్నారులకు చింత చిగురుతో చేసిన వంటలు తినిపిస్తే ఫలితం ఉంటుంది.
8. చింత చిగురులో విటమిన్ సి, యాంటీ ఆక్సిడెంట్లు ఉంటాయి. దీంతో రోగ నిరోధక శక్తి పెరుగుతుంది.
9. పలు రకాల క్యాన్సర్లు రాకుండా చూసే గుణాలు చింత చిగురులో ఉన్నాయి.
10. తరచూ చింత చిగురును తింటే ఎముకలు దృఢత్వాన్ని సంతరించుకుంటాయి.
11. థైరాయిడ్, డయాబెటిస్ వంటి సమస్యలతో బాధపడుతున్న వారు చింత చిగురును ఆహారంలో భాగం చేసుకుంటే మంచి ఫలితం ఉంటుంది.
12. శరీరంలోని వ్యర్థాలను బయటికి పంపే గుణాలు చింత చిగురులో ఉన్నాయి.
13. నేత్ర సంబంధ సమస్యలను చింత చిగురు దూరం చేస్తుంది. కళ్లు దురదగా ఉన్నప్పుడు కాస్త చింత చిగురు తింటే ఉపశమనం కలగుతుంది.
