Rakul Preet Singh Wedding : ఈ ఏడాదే ర‌కుల్ పెళ్లి.. డెస్టినేష‌న్ వెడ్డింగ్‌కి ప్లాన్ చేస్తున్నారా..!

Rakul Preet Singh Wedding : టాలీవుడ్ స్టార్ హీరోయిన్ ర‌కుల్ ప్రీత్ సింగ్ గురించి ప్ర‌త్యేక ప‌రిచ‌యాలు అక్క‌ర్లేదు. స్టార్ హీరోల‌తో క‌లిసి ప‌ని చేసిన ఈ ముద్దుగుమ్మ కొన్నాళ్ల పాటు త‌న హ‌వా చూపించింది. ఇప్పుడు బాలీవుడ్‌లో త‌న స‌త్తా చూపించేందుకు ప్ర‌య‌త్నిస్తుంది. రకుల్ ప్రీత్ సింగ్ నవంబర్‌లో పెళ్లిపీటలు ఎక్కబోతున్నారని గతేడాది అక్టోబర్‌లో మొదటిసారి ప్రచారం జరిగింది. ఆ రూమర్లను రకుల్ కొట్టిపారేయడంతో.. కొత్త రూమర్లు పుట్టుకొచ్చాయి. తాజాగా న్యూ ఇయర్ సందర్భంగా రకుల్ ప్రీత్ సింగ్ పెళ్లి వార్తలు సోషల్ మీడియాలో చక్కర్లు కొడుతున్నాయి.

ర‌కుల్ ఫిబ్రవరిలో డెస్టినేషన్ వెడ్డింగ్ చేసుకోబోతుందని తెలుస్తోంది. గోవాలో ఈ డెస్టినేషన్ వెడ్డింగ్ ఉంటుందని,ఈ పెళ్లికి అతి తక్కువ మంది అతిధులను పిలుస్తుందని తెలుస్తోంది. ఇక ఇప్పటికే జాకీ భాగ్నాని అలాగే రకుల్ ప్రీత్ సింగ్ కుటుంబ సభ్యులు పెళ్లి పనులు మొదలు పెట్టారని సమాచారం. గ‌త మూడేళ్లుగా జాకీ భ‌గ్నానీ, ర‌కుల్ ప్రీత్ సింగ్ ప్రేమ‌లో ఉన్నారు.టాలీవుడ్‌లో అగ్ర హీరోయిన్ల‌లో ఒక‌రిగా చెలామ‌ణీ అయ్యింది ర‌కుల్ ప్రీత్ సింగ్‌… తెలుగులో రకుల్ కి గుర్తింపు వచ్చింది వెంకటాద్రి ఎక్స్ప్రెస్ సినిమాతో. ఈ సినిమా తర్వాత రకుల్ ప్రీత్ సింగ్ వరుసగా జూనియర్ ఎన్టీఆర్,మహేష్ బాబ , రామ్ చరణ్,అల్లు అర్జున్, నాగార్జున,సాయి ధర‌మ్ తేజ్ ఇలా వరుసగా స్టార్ హీరోలతో జతకట్టింది.

ర‌కుల్ తెలుగులో చేసిన సినిమాలు కొన్ని హిట్ అయితే మరికొన్ని ప్లాఫ్ అయ్యాయి.అయితే ఈమెకు తెలుగులో అవకాశాలు రాకపోవడానికి కారణం సీనియర్ హీరోలతో కూడా జతకట్టి హద్దులు మీరిన రొమాన్స్ అని తెలుస్తుంది. కుర్ర హీరోలు ఈ అమ్మ‌డితో సినిమాలు చేసేందుకు ఆస‌క్తి చూప‌లేదు. దీంతో బాలీవుడ్‌కి ప‌య‌న‌మైంది. ప్ర‌స్తుతం త‌మిళంలో అయ‌లాన్, ఇండియ‌న్ 2 సినిమాలు చేస్తోంది. ఇక ఇదిలా ఉంటే ర‌కుల్ ప్రియుడు జాకీ భ‌గ్నానీ ఫాల్తు, రంగ్రేజ్‌, యంగీస్థాన్‌తో ప్రేక్ష‌కుల‌ని ప‌ల‌క‌రించాడు. అవి ప‌రాజ‌యాలు చెందిన కార‌ణంగా సినిమా ప్రొడ‌క్ష‌న్‌పై దృష్టిసారిస్తున్నారు.