Pushpa Movie OTT : అల్లు అర్జున్, సుకుమార్ల కాంబినేషన్ లో వచ్చిన హ్యాట్రిక్ చిత్రం పుష్ప.. హ్యాట్రిక్ విజయాన్ని అందుకుని విజయవంతంగా ముందుకు సాగుతోంది. ఈ మూవీపై మొదటి నుంచీ అభిమానుల్లో భారీ అంచనాలు నెలకొన్నాయి. గతంలో ఎన్నడూ లేని విధంగా అల్లు అర్జున్ పూర్తి మాస్ క్యారెక్టర్లో ఈ మూవీలో కనిపించడంతో అభిమానులు తెగ ఆనందం వ్యక్తం చేస్తున్నారు. ఈ క్రమంలోనే ఈ మూవీ బాక్సాఫీస్ వద్ద ఘన విజయాన్ని సాధించి ముందుకు దూసుకెళ్తోంది.
అయితే ప్రస్తుత తరుణంలో మూవీలు రిలీజ్ అయ్యాక 35 రోజులకు ఓటీటీల్లో వచ్చేస్తున్నాయి. దీంతో పుష్ప మూవీ ఎప్పుడు ఓటీటీలోకి వస్తుందా..? అని ప్రేక్షకులు తెగ సందేహిస్తున్నారు. ఈ క్రమంలోనే పుష్ప మూవీకి గాను డిజిటల్ రైట్స్ను ఇప్పటికే అమెజాన్ ప్రైమ్ సొంతం చేసుకుంది. దీంతో మూవీ రిలీజ్ అయిన తేదీకి 35 రోజుల తరువాత.. అంటే.. డిసెంబర్ 17 నుంచి మొదలు పెడితే.. జనవరి 21వ తేదీ వరకు ఆ సమయం ముగుస్తుంది. కనుక జనవరి 21 తరువాత పుష్ప మూవీ అమెజాన్ ప్రైమ్లో ప్రసారం అయ్యే అవకాశాలు కనిపిస్తున్నాయి.
ఇక ఈ మూవీకి గాను సెకండ్ పార్ట్ను కూడా ఇప్పటికే ప్రకటించేశారు. ఈ క్రమంలోనే త్వరలో రెండో పార్ట్ షూటింగ్ ప్రారంభం కానున్నట్లు తెలుస్తోంది. పుష్ప మూవీ పాన్ ఇండియా స్థాయిలో తమిళం, హిందీ, కన్నడ, మళయాళం భాషల్లో విడుదలైంది. ఇందులో సమంత ఓ ప్రత్యేక గీతంలో అలరించింది.
స్పందించండి